الرئيسية / البرامج / نظرة على جامعة الخليل: نشاطات النادي الإعلامي في جامعة الخليل

نظرة على جامعة الخليل: نشاطات النادي الإعلامي في جامعة الخليل

مقدم البرنامج: ضحى ادكيدك

تاريخ البث: 11 مايو 2017

 

المقدمة:

رجعنالكم مستعينا الكرام بعد هالفاصل، رح نحكي بفقراتنا هاي عن إنجازات الأندية الطلابية خلال السنة الدراسية، وبالتحديد رح نحكي عن النادي الإعلامي مع الزميل محمد الأطرش رئيس النادي الإعلامي في جامعة الخليل.

ضحى:محمد أهلاً وسهلاً فيك.

محمد: هلا فيكي ضحى وبجميع المتسمعين.

ضحى: أهلاً فيك لو بالبادية تعرفني عن النادي الإعلامي في جامعة الخليل؟

محمد: النادي الإعلامي في جامعة الخليل تم تأسيسه من قبل سنة من قبل الطلاب، لأنه مكانش في نادي إعلامي اتفقوا الطلاب في القسم إنهم يعملوا نادي؛ هدفه تقريبهم من بعض نقدملهم أنشطة طلابية هدفها؛ مصلحة الطالب في الدرجة  الأولى، وبحاول انه يقدملهم خدمات إكمال ودعم المسيرة الإعلامية، لأي طالب موجود في قسم الإعلام، بفضل ربنا تم تأسيس النادي بعد عقد انتخابات قام عليها د. خليل ذباينة عميد شؤون الطلبة في السنة الماضية.

ضحى: لو نحكي عن حصاد الأنشطة خلال السنة الدراسية لقسم الإعلام، وبالتحديد من تنظيم النادي الإعلامي.

محمد: كان في بالبادية عن مسار تعليمي لتلفزيون فلسطين، وإذاعة صوت فلسطين، برضو مسار لرام الله للمشاركة في التحقيقات الصحفية على مستوى الوطن.

ضحى: شوي بس لو نحكي عن هاي المسابقة، طلاب الإعلام شاركوا فيها وأيضاً حصدوا ع مراكز متقدمة.

محمد: صحيح شاركنا في مسابقة التحقيقات الصحفية كانت ع مستوى الوطن في الضفة وغزة، كان فيها طلاب من قسم الإعلام حصلوا ع المرتبة الثالثة والرابعة المرتبة التالتة، عن طريق بحث تخرج لا أذكر اسمها بالتفصيل أما المرتبة الرابعة كانت تحقيق صحفي، عن إطلاق الألعاب النارية وكيفية تسريبها للضفة الغربية، نالوا المرتبة الرابعة اللي هم الطالبة عروب الرجوب ورغد أبو شرار.

ضحى: والأنشطة الأخرى؟

محمد: كان في تكريم للمدرسين في نهاية هادا الفصل، وأيضاً تكريم الطلبة الخريجين لسنة 2017 كلها، وكان برضو عنا عمل فطور جماعي نظمّنا لحتى نقرب الطلاب مع بعض ونودد العلاقات اللي بينهم.

ضحى: تحكيلي كمان الرحلة أو المسار اللي رحتوا لتلفزيون فلسطين، كانت هي رحلة تعليمية وترفيهة.

محمد: لما طلعنا ع تلفزيون فلسطين، كان الهدف في البداية نعرّف الطلاب في العمل الإعلامي في السوق، يعني مش بالهدف النظري انه إحنا ندرسها بطريقة نظرية، كان الهدف انه كيف بشتغل تلفزيون فلسطين، كيف آلية عمله لحتى انه الطالب يتخرج من قسم الإعلام، يكون مطّلع وعارف كيف التلفزيون بشتغل، كيف الإذاعة بتعمل كيف البث طريقة تقديم البرنامج، كيفية التصوير المكان اللي بصوروا فيه المذيعين، كيف تكون انه رهبة للتصوير أو فش رهبة، كل هاي الأمور كانت بالبادية غير واضحة للطلاب، بس هم لما زاروا تلفزيون فلسطين وصوت فلسطبن تعرفوا ع باقي الأمور.

ضحى: متل ما منعرف إنك خريج وتخرجت بالفعل.

محمد: اها الفصل هادا.

ضحى: ألف مبروك.

ضحى: هلأ بعد ما خلص سلمت أمورك، لمين رح يتم أو لمين رئاسة النادي رح تكون؟

محمد: هلأ رئاسة النادي وأعضاء النادي بكون عن طريق انتخاب الطلبة الهم عن طريق عمادة شؤون الطلبة، بالإضافة لمدرسين قسم الإعلام بكونوا موجدين، رح يقوموا بهدف عمل انتخابات جديدة، وأي طالب بالقسم بقدم نفسه وبرشح نفسه، وهو حابب يترشح للنادي وأكتر طالب بحصل ع نسبة تصويت بكون هو رئيس النادي، والأعضاء العاديين بكونوا الأقل نسبة تصويت بالتدريج.

ضحى: محمد هاي التجربة شو أضافتلك.

محمد: كانت تجربة كتير حلوة، بتصقل شخصيتي بتضيفلها أشياء جديدة، بنحمل مسؤولية إشي معين، نحمل مسوؤليته نتحمل مسؤولية كبيرة، يعني لازم أنت تكون قد المسؤولية اللي حملتها، إنه إنت الطلاب انتخبوك حب تكون ممثل الهم، فلازم تكون قد المسؤولية اللي قدمولك أياها.

ضحى:  صحيح إنت بالفعل قد المسؤولية محمد؟

محمد: إن شاء الله هادا الإشي مش أنا اللي بحكيه، الطلاب اللي انتخبوني وشافوا الأعمال اللي قدمتها، هم اللي لازم يحكوا آه أو لا لأنه المادح نفسه كذاب.

ضحى: كان في تعاون من القسم يعني من الدكاترة للنادي؟

محمد: صحيح كتير كان في تعاون من المدرسيين للنادي، حتى انه المدرسين كانوا يطرحوا أمور وأفكار، خدوا هاي الأفكار  اعملوها منيحة للطلاب نفذوها اعملوها في المكان الفلاني، ليش لإنه هدفهم برضو مصلحة الطلاب، النادي برضو هدفه مصلحة الطالب.

ضحى: شكراً كتير الك محمد، طالعين لفاصل صغير وراجعين.

شاهد أيضاً

سوبر سبورت: جابر ينتقل من أهلي الخليل للاتحاد الاسكندري المصري

اسم البرنامج: سوبر سبورت. مقدم البرنامج: إيهاب أبو مرخية. تاريخ البث: 15 أغسطس 2017.   ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>