الرئيسية / البرامج / نظرة على جامعة الخليل: استعدادات جامعة الخليل لتخريج الفوج 43

نظرة على جامعة الخليل: استعدادات جامعة الخليل لتخريج الفوج 43

مقدم البرنامج: ضحى ادكيدك.

تاريخ البث: 6 يوليو 2017.

الضيف: نائب رئيس الجامعة للشؤون الإدارية والأكاديمية، د. محمد زياد الجعبري.

 

 

المقدمة:

رجعنالكم مستمعينا الكرام بعد هالفاصل، رح نحكي أكتر عن حفل تخرج الفوج الثالث والأربعين اللي رح تنظمه جامعة الخليل، يوم (11) و (12) من هادا الشهر فلحتى نعرف تفاصيل أكتر بنضم معنا عبر الخط الهاتفي، د. محمد زياد الجعبري، نائب رئيس الجامعة للشؤون الإدارية والاكاديمية.

ضحى: أهلاً وسهلاً فيك دكتور

د. محمد زياد: أهلاً فيكي وأهلاً بالمستمعين الكرام.

ضحى: لو بالبادية تحكيلي كيف بتستعد جامعة الخليل لإقامة هاد الحفل؟

د. محمد زياد: إحنا حقيقة بالبداية التحضيرات جارية ع قدم وساق، وإحنا باللمسات الأخيرة يوم السبت إن شاء الله بتكون كل الإجراءات اللوجستية المتعلقة بالحفل موجودة على أرض الواقع، الحفل لهادا العام الفوج (43) يتضمن ما يقارب (200) طالب وطالبة خريجي الجامعة من كافة التخصصات والأقسام وعدد الطلبة اللي سجلوا للمشاركة بهادا الحفل (1200) طالب وطالبة، وهذا العدد الكبير ارتأينا إنه نقسم الحفل إلى يومين، سيكون الإفتتاح في اليوم الأول يوم (11-7-2017) واليوم التاني (12-7-2017).

ضحى: يعني شو سبب بنعرف إنه بالعادة حفلة التخرج بتكون يوم واحد إلا إنه هادا العام تم تقسيمه؟

د. محمد زياد: حفلة تخرج هادا العام حقيقة اعتمدنا لتقسيمه للكم الهائل إللي شارك في هذا الحفل، فالقدرة الاستيعابية للساحة الموجودة أو الملعب الموجود يتسع إلى (5) آلاف وغالباً جامعة الخليل، حفلة التخرج يكون هو عبارة عن عرس، لذلك ارتأينا إنه إحنا نوسع هذا الحفل إلى يومين، حتى نتيح مجال لأكبر عدد ممكن من الإخوة والأخوات أو أولياء الأمور والأقارب للخريج إنه يشاركوا بهادا الحفل.

ضحى: كمان دكتور رح يكون في بروفا يوم الأحد فشو تفاصيل هادا اليوم؟

د. محمد زياد: طبعاً إحنا قسمنا البروفا ليومين يوم الأحد ويوم الإثنين، يوم الأحد لتكون البروفا لطلبة كلية الآداب للمشاركين طبعاً لكلية الآداب وكلية التمويل والإدارة وكلية الحقوق، كلية الصيدلة، كلية التمريض، كلية الدراسات العليا، اليوم التاني رح تكون البروفا لطلبة الشريعة كلية الزراعة والعلوم والتربية وتكنولوجيا المعلومات.

ضحى: أي ساعة رح يبلش؟

د. محمد زياد: الحفل رح يبلش الساعة (4) وتغلق الأبواب الساعة (3 ونص)، الساعة الرابعة رح يتقدم الحفل موكب الخريجين وعميد شؤون الطلبة ثم موكب الإخوة أعضاء الهيئة التدريسية، ثم موكب مجلس الأمناء برئاسة د. نبيل الجعبري.

ضحى: باقي الأنشطة أو الفعاليات هي المعتادة عليها ذكر أسماء الطلاب وأيضاً بعض الفقرات الموسيقية؟

د. محمد زياد: طبعاً الحفل يعني واضح إنه في كلمة لسيد رئيس مجلس الأمناء، كملة لرئيس الجامعة، وكلمة للطالب المتوفق في اليوم الأول، وكلمة للطالب المتفوق في اليوم الثاني، وفقرة فنية إضافة إلى توزيع الشهادات والتكريم.

ضحى: طبعاً يعني تم إعطاء كل طالب (3) بطاقات صحيح؟

د. محمد زياد: كل طالب حصل على (3) بطاقات، وغالباً الجامعة تاريخياً معروف إنه بتسمح للإخوان بالدخول حتى بعد دخول المواكب بأي عدد موجود سواء ببطاقة أو بدون بطاقة.

ضحى: يعني حتى الواحد ما معه بطاقة بإمكانه إنه يدخل.

د. محمد زياد: إحنا بنساعد الأهل والإخوة بالدخول ولكن بعد دخول مواكب الطلبة والإخوان أعضاء الهيئة التدريسية ولكن في البداية الدخول يجب أن يكون عن طريق البطاقة.

ضحى: هل واجهتم بعض من المشاكل خلال التنظيم وخلال الدعوات؟

د. محمد زياد: إحنا الحمد لله يعني كل الإجراءات اللوجستية، وكل الإجراءات الأخرى مشيت، اللجنة المشرفة قامت بواجبها وما في عنا إشكالية الحمد لله.

ضحى: ويعني مستعدين على أتم الإستعداد لهذا الحفل

د. محمد زياد: إن شاء الله

ضحى: أنا بدي أتشكرك الدكتور محمد زياد الجعبري، نائب رئيس الجامعة للأمور الإدارية والأكاديمية.

 

 

شاهد أيضاً

سوبر سبورت: جابر ينتقل من أهلي الخليل للاتحاد الاسكندري المصري

اسم البرنامج: سوبر سبورت. مقدم البرنامج: إيهاب أبو مرخية. تاريخ البث: 15 أغسطس 2017.   ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>