الرئيسية / البرامج / حواء على الهواء: ما علاقة تساقط الشعر بالحالة النفسية؟

حواء على الهواء: ما علاقة تساقط الشعر بالحالة النفسية؟

مقدمة البرنامج:  سماح مناصرة

تاريخ البث: 10 أغسطس 2017

الفقرة الأولى

الضيف: خبير التجميل والعناية بالبشرة، الأستاذ شريف يغمور

 

المقدمة:

شعر الإنسان بنمو حسب دورة فسيولوجية، الاضطراب في توازن هذا الأمر ممكن إنه ينجب عنه توتر نفسي وممكن يكون السبب في تساقط الشعر، اليوم راح نحكي عن تأثيرات التوتر على سقوط الشعر، مع خبير التجميل والعناية بالبشرة، الأستاذ شريف يغمور، أهلا وسهلا فيك، صباح الخير.

أ. شريف: صباح الخير سماح إلك ولجميع المستمعين.

سماح: اليوم بدنا نحكي أكثر عن تأثير الحالة النفسية على صحة الشعر وعلى تساقطه، شو العلاقة ما بين التوتر والعصبية وما بين تساقط الشعر؟

أ. شريف: من كم سنة كان في مؤتمر في بريطانيا، وجمع أكبر خبراء التجميل وأطباء الجلد، هلأ أحد الخبراء وقف وقال أنا بدي حدا يعطيني سبب علمي لكثير من الظواهر، يعني ذكر مجموعة من الظواهر إلّي ممكن تصير على الجلد وعلى الشعر، هلأ ما قدر حد يعطي سبب علمي، وقال بالنهاية نحن لا نعرف 10% مما ما يجري في الجلد، وأنا راح أحكي عن شهادات وعن الحالة العصبية، هلأ الحالة العصبية كثير من الناس ممكن في حالة زعل وفي حالة خوف ممكن يصير عندهم تساقط في الشعر وممكن إنه يتأثر الشعر بشكل كبير، ونعرف حادثة تاريخية مشهورة وهي ماري أنطوانيت، لما حكموا عليها بالإعدام بعد الثورة الفرنسية وفي ليلة تنفيذ الحكم تحول كل شعرها للأبيض، وهذه يعني مشاهدة مسجلة تاريخياً، باللحظة هاي ما حد قادر إنه يفسرها علمياً.

سماح: طيب، هون كيف نحن بالإمكان نحافظ على صحة شعرنا ونحافظ على نفسيتنا؟

أ. شريف: هلأ بدي أحكي شغلة بسيطة بدنا نحاول قدر الإمكان إنه نحن نبتعد عن الزعل ونبتعد عن الغضب الشديد، هلأ في حالة صغيرة هي حالة شد الشعر اللاشعوري، في ناس بعانوا منها بكونوا بحالة التوتر والغضب وبصيروا يمسكوا الشعر ويشدوه أو يشيلوه من مكانه، وهي حالة عصبية نفسية، وبدنا نحاول قدر الإمكان إنه نبعد عنها وما في طريقة للوقاية من الأشياء هاي، لإنه ما بقدر أحكي للشخص إنه ما تخاف وما تتعرض لمفاجأة.

سماح: لكن لازم تكون في علاقة نربطها ما بين الخوف وما بين تساقط الشعر أو تغير لونه مثل ما تفضلت وبين أيضاً تساقط الشعر وحالته العصبية ممكن يمر فيها، فالأفضل نتجنب المواقف إلّي بنعصب فيها كثير والأشخاص إلّي بعصبونا ونبتعد عن مثل هاي الأشياء، لحتى نحمي بشرتنا ونحمي شعرنا من التساقط والتقصف، بالإمكان نعمل مثل هاي الأمور.

أ. شريف: قدر الإمكان سماح قديش بنقدر نبعد عن هاي الأشياء، نبعد عن مواقف التوتر وعن المكان إلّي فيه عصبية، وبالنهاية هي حالة العناية الطبيعية بالشعر وغالباً هي حالات لا تنتهي إلا بعد فترة، وكثير في حالات إنه ناس تساقط شعرهم نتيجة خوف ولكن بعد فترة بيجي نموه طبيعي، وخلينا نفرق كمان ما بين حالة تساقط الشعر إلّي بتصيير نتيجة الخوف وما بين الثعلبة، وهو بفكر إنه الثعلبة بيجي من الخوف أو من حالة نفسية، والثعلبة تم ربطها بآخر دراسات إنه إلها علاقة بنقص المناعة لكن هو مش السبب المباشر بالتساقط.

سماح: بدي أتشكرك أستاذ شريف، أكيد يعطيك ألف عافية.

شاهد أيضاً

سوبر سبورت: جابر ينتقل من أهلي الخليل للاتحاد الاسكندري المصري

اسم البرنامج: سوبر سبورت. مقدم البرنامج: إيهاب أبو مرخية. تاريخ البث: 15 أغسطس 2017.   ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>